香港浸會大學噚日舉行四十七周年校慶感恩崇拜，重頒發長期服務獎畀為浸大服務多年嘅教職員，其中行政副校長暨秘書長莫民雄博士原來已經為浸大服務咗三十個年頭。
莫博士同八方講，佢喺七三年加入浸大擔任化學系講師，當時浸大只係一間私立學院，到七七年，政府公布有關高等教育嘅綠皮書，內容提及浸大可有可無，應該讓其自生自滅。當時約一千名教職員同學生發起一人一信行動，重搞埋請願，成功游說政府改變初衷，八方嘅同事仁哥都話當年有份參與。
眨眼三十年，莫民雄最高興係見證浸大由自生自滅到受到肯定。講到政府容許大學將教職員薪酬同公務員脫鈎，莫博士認為，最重要係脫鈎後，大學真係可以有足夠自由度去請人。至於政府削減大學資源如果幅度達到雙位數字，就會難免裁員喇。
（圖）莫民雄博士（左）已經為浸大服務三十年。
傳真︰2623-9278
電郵︰