力爭超越達拉斯小馬成為西岸「一哥」的薩克拉門帝王，明星賽後眾傷兵已紛紛復出，陣容如虎添翼，以帝王「主場冇留手」本色，周三面對明尼蘇達木狼就算初盤讓至九分也冇有怕，上盤照捧可也！
西岸第一種籽除了享有季後賽主場優勢外，最重要是不用與衞冕冠軍的湖人首圈碰頭。因為成績穩步上揚的湖人料以第六或第七種籽出線季後賽，亦代表第二或第三種籽會首圈硬碰湖人，暫列第二的帝王素來被湖人「剋住」，當然不想和湖人提早碰頭，故近期爭勝決心十足；明星賽至今已錄得八勝二負，主場更五連勝，今仗誓挫木狼，全力追趕小馬。
另外，帝王的傷兵問題在明星賽後已大致解決，主力韋伯及卜比積遜已相繼復出，而後備中鋒普勒亦於上仗對76人時復出，更添內線威力；相反對手木狼僅靠加尼特支撐內線，後備力量不足以抗衡帝王。雖然木狼近期錄得七連勝，但作客成績一般，早前面對爵士、火箭、小馬也敗走，故今仗面對帝王恐怕凶多吉少。
文：牽牛