名模周汶錡的一對四十二吋長腿漂亮誘人，早前她獲邀成為爽健美足用品代言人。昨日她在灣仔拍攝廣告硬照，大談護腿心得。她又表示今春迷你裙大熱，有機會大展美腿，但她會穿波褲打底防偷拍。
名模周汶錡（Kathy）最近出任爽健「七日美足療程」產品代言人，昨日她在灣仔OVO傢俬店，拍攝硬照廣告及作產品示範。
Kathy昨日穿上白色小背心及熱褲，展示其四十二吋雪白長腿。她透露以數十萬酬勞任為期一年的代言人，更獲贊助美腿產品。Kathy說：「女人最煞食係一對靚嘅腳，我好重視腳部護理，平時都會觀察吓人地啲腳趾靚唔靚。」
談到護理美腿的心得，Kathy說：「腳部皮膚比面部厚四倍，我經常會做磨砂，再塗cream，得閒又做吓瑜伽、拉筋，改善腿部線條，間中做吓腳底按摩咁啦。做嘢行show時要換各式各樣嘅衫，啲衫不斷摩擦雙腳，好易磨損皮膚，所以我長時間帶備cream，男友都有讚我對腳白淨㗎。」
問Kathy可會利用四十二吋長腿和男友調情時增加情趣？她大笑說：「唔會㗎！」至於今春大熱超迷你裙、熱褲，Kathy透露已購入數條迷你裙，但不敢多穿，她說：「我怕俾人影露底相，前幾日都有新聞話有人用電話偷影裙底，我着短裙一定要着短褲或者波褲打底，咁樣安全好多。」她又表示中外名人紅星中，最欣賞黑人名模AlekWek的一對修長美腿。
