深圳的食肆多籮籮，食肆一定要出盡法寶，才可以吸引食客光顧，所以呢間食肆就揀選了最拿手的港式小炒作生招牌，再加埋廚師的創意，出來的食物一樣有特色。
記者：黃希知
攝影：陳星
另一推介，是這款法式焗蟹蓋，用新鮮膏蟹的蟹蓋釀滿用上湯汁煮過的蘑菇、洋葱和新鮮帶子粒，整個用錫紙包住焗。最特別的，是師傅選用燒炭的炭爐來焗，焗起嚟，蟹蓋比焗爐香得多，又可以保持鮮味，陣陣炭香好有原始風味！
怪味鴨煲一上枱，煲蓋一打開，賣相黑黝黝，傳來陣陣香味，「我用自己的製作方法炮製，味道較香濃，所以好有獨特風味。」大廚梁師傅表示。鴨煲不太大，因為揀選只有兩斤重的北京白鴨來做，不肥不羶，加入上湯及用上二十多種材料秘製的怪味醬燜至入味，最好用來送啤酒。
方榮紀
地址：深圳市羅湖區華麗路集浩花園2樓
營業時間：4:00pm-6:00am