跟不少髮型師傾開偈，原來他們都有一個習慣，走在街上，第一時間一定望對方的髮型，某君甚至說：「見到唔靚的髮型，腦海中會第一時間諗：『點整靚佢？』」所以，今次我們就來個街頭髮型大檢閱，截擊三位女子，除了讓髮型師阿Kit即時評分外，重來個改頭換面，實行同佢哋即場大變身。記者目睹整個過程，真係要講句：「髮型影響力真大！」
記者：羅惠芬
攝影：陳智良
化妝：PollyDang(BeautyTech)
今個春夏興玩鬈髮，已是不爭的事實。所以，髮型師阿Kit一見到靚女Jophie頭長髮，就立即話：「電鬈佢！」皆因：「唔應該浪費咗頭髮的長度！」
本身髮質偏乾的Pippa，因為之前將頭髮剪得太碎，加上好耐無修剪過，令到頭髮全無層次感可言，阿Kit重話：「似最典型的OL髮型。」由於新一季的髮型潮流，極注重髮型的質感，所以Kit決定替對方營造一個全新蓬鬆Look。
一見到Celia的一頭短髮，阿Kit立即毫不留情地狠批：「唔掂！本身頭髮太少，但佢無考慮過自己髮質，剪得咁碎，頭頂感覺重有啲禿㖭！」解決方法要增加頭髮的Volume，SetPerm和用手指將頭髮摷亂，都可以隱藏了頭髮稀薄的問題。
今次為我們示範的Kit，入行3年，曾在Headquarters做Stylist，現時是IlColpo的SeniorStylist，自言最愛玩駁髮，幾年來差不多任何長度和顏色都試過。至於今個春夏季的髮型潮流，她說：「曲髮絕對是今季必玩，其實曲髮好容易Carry，無論任何面形的女仔都啱。」
全部於萬寧有售