昨日商台叱咤903推出全新節目，一眾歌手包括許志安、女子組合Twins、Cookies、Boy'Z、方力申、Shine、鄧健泓及盧巧音等均有到場，更帶同禮物到賀。
Cookies成員Gloria表示，前日凌晨沖涼時，竟發現被人偷拍，她說：「我沖涼前就諗住閂窗，一望之下就見到對面座大廈有人匿喺部相機後面，我當時都驚到呆咗。」
Gloria續道：「不過最慘都係Angela，因為佢係早我一個入去沖涼，佢知道之後都有喊，之後我哋去咗旺角警署報警備案。」
此外，早前有周刊將許志安的激凸泳褲照片，與陳小春的泳褲照比較，對此安仔尷尬地說：「人比人，比短人，冇話邊個fit唔fit嘅，總之我同佢就各有各長處，各有各短處。小春嘅長處係跳舞同唱歌得，而我就專注於唱歌方面，真係唔好再拎張相出嚟登啦，就算我係俾人讚嗰個都唔好搞啦。」
採訪：王連連、李珮洳
攝影：何國豪
