陳曉東、宣萱、羅嘉良、徐熙媛（大S）及鄧萃雯等，昨日在雲南大理出席台灣電視劇《倩女幽魂》的記者會，男主角陳曉東被問到前女友張栢芝與陳小春同遊泰國，更穿上三點式為小春搽太陽油一事時，東東說：「有乜咁出奇啫，游水梗係着泳衣啦，有機會我都想去曬太陽。」
大S早前身體不適，其母昨日一直陪伴在側，大S說：「大理啲醫生話擔心我係盲腸炎，我又信唔過當地嘅醫生，所以返咗台灣兩日，結果醫生話我係便秘啫。」至於緋聞男女宣萱與羅嘉良被問到會否私下相約時，宣萱說：「我哋啲時間都唔夾，亦都冇同場戲，返香港大把機會啦！」
此外，昨日該劇演員為鄧萃雯補祝生日，鄧萃雯切過生日蛋糕後，陳曉東及宣萱更掟起蛋糕來，場面混亂。
記者卓寶花大理直擊