噚日禮賓府一年一度開放畀市民參觀，竟然出現咗一個稀客──平日只准喺禮賓府門外示威，高叫口號嘅女長毛。當八方奇怪女長毛何故咁有閒情去賞花嘅時候，佢突然話天氣熱，要除件外套曬太陽。原來佢入面件T恤貼咗張標語，寫住「經濟差，冇心情賞花，特首下台」，禮賓府入面班警察當堂好緊張，即刻跑過去女長毛身邊昅到實，但係佢都係一個嚟賞花嘅市民，警察都唔可以做啲乜。
結果，女長毛好安全咁有成隊警察，又男又女咁陪佢一齊喺禮賓府入面兜咗幾個圈，都算威嘞，沿路有唔少市民望實女長毛胸前嘅標語，有啲重讚女長毛講得啱㖭！
（圖）女長毛終於可以入到禮賓府，一邊賞花一邊曬標語，警察都冇佢符。
傳真︰2623-9278
電郵︰