唔經唔覺，方志偉接替張敏儀任香港駐東京經濟貿易辦事處首席代表已經超過九個月，最近八方去日本探過佢，同大家報吓料。
比起上次派駐紐約，方志偉覺得駐日本要長啲時間適應，最唔慣就係日本人做事好講制度，唔多鍾意驚喜，習慣開會前問定問題，見面時則交換預備好嘅答案，比起香港班立法會議員同官員每日刺激嘅「互動」相差好遠。
方志偉話𠵱家先知，張大姐臨走前贈佢嘅座右銘──「喺日本做嘢千祈咪心急，呢度凡事都有規有矩、有程有序」真係好啱使。
另一樣唔急得嘅就係學日文，方志偉新上任千頭萬緒，好多嘢做，每個星期都未必抽得出一日上日文堂，所以佢嘅日文最多只夠點菜同搭的士。
（圖）方志偉話多得張敏儀臨走前贈佢嘅座右銘。
傳真︰2623-9278
電郵︰