近日京華國際酒店請來長白山賓館的廚師來港獻技，帶來一系列吉林菜，其中以華麗滋補見稱的長白山珍宴更包含多道珍奇野味，好似當年慈禧太后都鍾意食嘅林蛙，香港未見過㗎！
記者：邵超 攝影：黃子偉
原隻林蛙紅燒，咬落去感覺到身體重有彈性，據聞最有補益的卵子有淡淡的苦澀味，不過為咗達到益氣、美容及潤膚的功效，都可以暫且將林蛙的尊容忘記。
唔明點解只係簡單不過的凍肉片和海鮮拼盤，切吓切吓就可以砌成咁靚嘅鴛鴦戲水，畫都無咁真！
地址：窩打老道75號京華國際酒店1樓唐宮
電話：27611711內線3519
供應日期：即日至4月30日
備註：備有兩款宴席，包括長白山珍宴（$4,980）及吉林家鄉宴（$3,600），須預訂。