美國安泰人壽總裁Patrick潘燊昌本新書《聽老闆的，就錯了》喺台灣熱賣，Patrick係地道香港人，港大畢業，卻有「台灣保險之父」稱號，佢喺尖沙嘴星光行嘅商務開新書推介會，八方當然要去捧場。
Patrick同八方講，本書喺台灣出版三個月，賣咗十萬本，已加印第六版，佢話自己喺台灣工作十幾年，本書內容都係講台灣嘅企業，加上係口述，由台灣寫作人刁明芳執筆，所以筆觸好台灣化，相信喺香港嘅銷路不及台灣。今次係佢第三次出書，佢話年尾會籌備第四本作品。
聽講Patrick天不怕地不怕，只怕老婆，八方問佢係咪所有作品都會先畀太座過目？Patrick即大吐苦水，話太太一向低調，自己第一本書提及太太，已令太座唔多高興，今次呢本重登埋潘太幅相，所以太太話「冇眼睇。」
傳真︰2623-9278
電郵︰