雅蘭商場地庫美食廣場多了一個新成員叫泰越軒，顧名思義主攻泰、越兩國的美食。獲邀擔任泰廚的Lucy初次來港，由讀書時代起一直順風順水的她，來港後似乎要面對苛刻的工作環境。
記者：邵超 攝影：陳盛臣、黃子偉
逢星期一至五刊出
集團老闆訂下來的一套「思想教育」課程，每天所有員工包括泰廚Lucy和越廚堅哥都要「上課」，遇到試菜被「中央」評為不及格時，壓力便隨之而來，話雖如此，Lucy卻習以為常。
老闆要求十分嚴格，強調要為客人着想，要求廚師創新菜式時要用料正之餘，又唔可以賣得貴，考官問到點樣益人時要識答。
「以前搵材料，打電話訂貨好簡單，現在就要經常出去搵多啲材料，好似泰辣魚已經係賣成本價，好抵食，但老闆重會問：『可唔可以平啲』」
對於一般人嚟講，呢種考試簡直係洪水猛獸，不過Lucy對於嚴格的要求處之泰然，因為早在美國唐人餐廳時已經受過這類地獄式訓練。
Lucy自小就對烹飪有興趣，她說很多泰國人都識煮餸，長大後就跑到曼谷烹飪學校正式學藝，做嘅咖喱同埋甜品都好出色，因為係校內高材生，被推薦到美國工作實習，在唐人餐廳做到氣咳，但她鍾意研究甜品，辛苦啲都值得。
最開心的日子發生在新加坡，因為新加坡人好接受泰菜，加上語言溝通無問題，最後同不少食客成為朋友，當然包括她的丈夫！講番香港，Lucy最難忘係節奏快，同埋香港人一般都唔食得辣。
「我食好辣都得，但見工時已講明要我諗吓做嘅咖喱無咁辣但要有咖喱香味和顏色，好難呀！」
好難好難，Lucy捧着手上的咖喱菜式我依然食得好滋味，她確實都做到了。莫以為中泰混血兒廣東話一定「水皮」，其實她精通泰、英、潮州和廣東四種語言，就算是堪稱全世界最難學的廣東話，Lucy一樣惦，原來有老公做補習老師是也。
一般乾咖喱牛肉係辣到飛起，Lucy將它改良，加入椰汁，辣勁得到紓緩，連牛肉本身都好似辣至變得軟腍，非常入味。
Lucy炮製咖喱超過十八年，青紅咖喱都做得出色，紅咖喱會辣少少，不過呢次紅咖喱只係錦上添花，因為主角係利苑酒家熱賣的燒鴨，咖喱只是配角。
未食已經聞到紅色醬汁飄來的香味，炸到金黃的星斑肉白且嫩，是泰國高級食府的菜式，全條魚起骨唔怕鯁喉，再澆上超過十款香料配製而成的醬汁，香辣得宜，價錢又係益食家。
電話：23800705
地址：旺角彌敦道639號雅蘭商場地庫一層利苑美食天地