《南華早報》出位社論石破天驚，事關《南早》大股東郭鶴年舊年仍力挺阿董競選連任特首，又係助選團成員之一；兩年前唔聽話之資深副總編輯林和立又俾人迫走，令人覺得該報親政府，現在出現呢篇社論，自然震動朝野。
其實話特首會「借歪」之傳聞，八方之前都聽過唔少，其中一個講法係叫佢調返國內「保內就醫」。有商界人士言之鑿鑿，話風聲主要係由北京太子黨派系傳出，佢喺中港兩地至少聽過三位言論可以直達中南海嘅太子黨，同佢講及阿董嘅任期，重話北京對財政司司長梁錦松都頗有微言。
據八方了解，《南早》呢篇社論，大家千祈咪當係有人以為會步林和立後塵而發洩之作。堂堂大報，點會咁冇制度？呢篇社論係最高層意思，再指示高手執筆，而最高層同郭家關係密切，絕對有理由相信郭家一早知情！
傳真︰2623-9278
電郵︰