天文台為咗慶祝一百二十周年誌慶，噚日請咗經濟發展及勞工局局長葉澍堃出席佢哋嘅典禮，重別開生面咁以放置時間廊方式嚟慶祝。葉局長同八方講，自己放咗兩輯分別係有關天文台歷史嘅DVD同VCD入時間廊，希望三十年後攞番出嚟睇，回憶吓天文台嘅歷史。
即將退休嘅天文台台長林鴻鋆重特別，寫咗一封信畀三十年後嘅天文台同事，雖然唔知台長寫乜，但八方諗佢好可能寫咗啲有關公務員減薪嘅問題同埋對策，等第二時公務員再被減薪嗰陣，唔使有咁大反應，因為反唔反對政府都會一意孤行。
（圖）葉澍堃（右）將兩輯有天文台歷史嘅光碟落時間廊。
傳真︰2623-9278
電郵︰