指有人歪曲　誤導長者「冇錢有醫療」
楊永強又發火轟福利機構

【本報訊】衞生福利及食物局局長楊永強繼向立法會議員發火，一句「錢喺邊度嚟？天跌落嚟？樹生㗎？」後，他昨在電台節目中與市民討論醫療收費豁免機制時再度發炮，批評有社會福利機構歪曲事實，誤導長者「冇錢冇醫療」，其秘書甚至在電話中聽到有人教長者講話，他又打斷聽眾發言，繼續自說自話。有社工不滿楊永強的講法，直指他無的放矢，心胸狹窄。　記者：陳倩雯

楊永強昨早出席商業電台節目《政經星期六》，討論醫療收費豁免機制。楊永強承認政府與長者之間的溝通出現困難，須依賴其他社會福利機構協助。他毫不諱言直指部份機構誤導長者，「有啲人會歪曲，會嚇長者，咁樣做道德上好唔啱，冇理由話冇錢就得唔到醫療，一定唔會發生。」他又說秘書接到長者來電，在電話中聽到有人在旁邊教長者講話。

「冇財赤都會睇綜援」
一位葉姓女聽眾致電到節目，批評政府在削減綜援上誤導公眾，她說：「話（削綜援）同財赤無關，我覺得係得啖笑，係誤導市民，邊有可能話同財赤無關，我係要知道……」楊永強激動地還擊說：「咩嘢誤導啫？葉小姐……財赤當然有壓力，但就係將來綜援開支，呢個就算冇財赤，我哋都一定會睇。」

何喜華：「無的放矢」
正當葉小姐反駁說：「其實都好老實講，我哋唔可以話為財赤……」之際，楊永強又搶白說：「葉小姐，錢喺邊度嚟？你係咪想將來嘅稅再增加，或者醫療減、教育減、保安減呢？你想減邊樣嘢呢？」
社區組織協會主任何喜華認為，「唔好抹煞社會機構，最好攞出證據，唔應該無的放矢！𠵱家的的確確長者憂慮醫療收費上升，佢哋有十萬、八萬蚊就冇得豁免。」
何喜華指，除楊永強外，推銷《基本法》二十三條的保安局局長葉劉淑儀，同樣指有人或組織誤導市民，這是官員有意轉移視線，掩蓋政策衍生的問題，「喺度煽風點火，呢類官員心胸狹窄，見有啲批評就發脾氣！」
社會服務界立法會議員羅致光指出，對社工來說，誤導服務對象是違反專業守則。他表示，在醫療收費一事上，不覺得有社工或社福機構有誤導別人情況，相信楊永強是另有所指。社會服務聯會行政總裁方敏生表示，社會服務機構及社工一向鼓勵受助人向政府表達意見。