八方噚日收到馬會寄嚟嘅亞洲賽馬聯盟新標誌，驟眼睇落，個Logo極似推廣香港動感之都嗰條特區飛龍。呢個新標誌係由靳與劉設計顧問公司負責設計，圖像係駿馬奮力奔向終點嘅頭部特寫，表現出馬匹的速度，衝勁同力量，不過連設計者都承認，馬頸背突出的輪廓好易令人聯想到「龍」。
其實係龍係馬都好，都係吉祥動物，正所謂龍馬精神。只不過特區飛龍兩年前面世之後，香港一路都未好過，八方當然唔希望呢兩個近似嘅標誌會帶來相同嘅命運。
講番馬會行政總裁嘅黃至剛獲選該聯盟新任主席真係好威，佢係香港代表喺國際馬壇上歷來擔任嘅最高職位；而呢個聯盟各成員國所辦嘅賽事投注總額，佔咗全球投注總額百分之六十六，獎金總值佔全球百分之五十三，認真犀利。
傳真︰2623-9278
電郵︰