一年一度的香港皮草業協會晚宴「皮草之夜2003」，前晚於灣仔會展舉行以「溺愛」為題的皮草新作展。座上客之一的陳雅倫獲贊助任穿皮草，但她表示心情矛盾，因為皮草來自可愛小動物，有心痛的感覺。
本地皮草盛事「皮草之夜2003」前晚於灣仔會展舉行，約有一千七百多名嘉賓出席。今年大會以「溺愛」為主題，請來名模琦琦、陳嘉容、歐陽妙芝和李嘉慧等演繹本地二十二間廠商的皮草新作。
有份出席的陳雅倫，獲舅父林義和贊助任穿皮草，她並即席以一身粉藍tubedress晚裝示範多件皮草，她說：「我唔算係代言人，只不過係親戚份上贊助我任着。我本身有兩件mink同埋好多fur嘅用品，我第一件皮草係喺九○年買，不過着fur嘅心情好矛盾，皮草來自可愛小動物身上，諗起都心痛。」
問陳雅倫可試過獲追求者送贈皮草？她說：「好少，都係送首飾禮物多，送樓都試過。」其手上戴着一枚重逾三卡的心形鑽石戒指，估計價值逾十萬，問她可是追求者所贈？陳雅倫不作否認說：「呢啲係少少誠意啫。」
而座上客之一、本地著名時裝設計師鄭兆良表示近年的皮草設計，不獨是平實的傳統剪裁、調子深沉的長青款式，他說：「皮草本來係seasonalitems（季節性），多數用作配飾放喺帽、袋，𠵱家比以前多元化好多。顏色方面，好似sable（紫貂）呢類咁矜貴嘅，多數會用番natural嘅原色，好似啡棕、黑咁。近年興黑、白組合，同埋sharpcolor好似桃紅、黃同橙，主要係用熱門嘅果子狸毛同埋fox染成，設計亦比以前fashionable。」
