GiGi本月將舉行第二次個人演唱會，去年個唱口碑不俗，令她壓力大增，GiGi擔心地說：「因為歌迷會將我上年嘅演唱會同今次嘅比較，加上我要一邊拍戲，一邊綵排，真係擔心唔夠時間練歌呀。呢排喺屋企見到個期表，真係驚到喊起上嚟。因為應付一個演唱會，排舞、練歌同宣傳真係要幾多時間㗎。」
談到娛樂圈的人事關係，GiGi表示初出道時，不善交際的她很少跟陌生人交談，因不懂得如何打開話匣子，不過現在已有改善。
GiGi說：「呢兩年我嘅交際能力已經改善，可能工作順利，自信心增加咗，肯主動同陌生人講嘢。我嘅優點係唔會有隔夜仇，就算有人對自己唔好，都唔會擺喺心，其實我都幾冇記性，好似有時出街唔記得帶銀包，還咗錢畀同事，跟住又再還。」
