啱啱喺格林美贏咗個「最佳饒舌女歌手」獎嘅黑人HipHop天后MissyElliott，自從早排狂減七十幾磅之後，最近俾可口可樂公司睇中，做新出品VanillaCoke嘅代言人。Missy話佢嘅減肥秘方，竟然係日日狂灌可樂，認真hardsell到暈！
以前有成二百幾磅嘅Missy，成日覺得好自卑，佢話每次照鏡都覺得自己似隻犀牛，所以咪決心減肥囉！之但係Missy話自己嘅減肥秘方，就係每朝飲一罐可樂，然後到夜晚先再食烚菜，真係搏晒老命！
另外，Missy早排去新加坡宣傳大碟《UnderConstruction》嗰陣，透露咗個秘密，原來佢不嬲視過氣流行天王米高積遜（MichaelJackson）為偶像，佢重好想說服米高積遜唱吓rap歌，不過Missy亦都不忘寸吓呢位癲王，話點都唔會同佢一齊玩「掟仔」喎！