余文樂昨日到尖沙嘴為「Neway創出下一站天后大招募」歌唱比賽擔任評判，在多位參賽者中，有兩位少女穿上一式一樣的黑色吊帶背心及短裙，以組合形式選唱Twins的歌曲，十分搞笑，而阿樂更不時全神貫注凝望在台上的參賽者。
當主持問到阿樂對Twins的印象如何？他表示：「我覺得蔡卓妍比較活潑，而且好聰明，學嘢亦都好快上手，佢係一個活潑天后。而鍾欣桐就比較靜，佢係屬於踏實型，可以話係一個穩陣天后。」
此外，阿樂表示他和陳小春早前拍電影時，小春曾以一個名為「BlackMagic」的小把戲考他，他笑言：「我諗咗呢一個遊戲嘅竅門好多日，不過小春死都唔肯話畀我知，今日我終於諗到啦。所以我要同小春講『陳生，你唔好咁得戚呀，我已經知道個竅門啦。』」