香港警務處同九龍東區扶輪社搞咗個「我們心中的警察」攝影比賽，警務處處長曾蔭培噚日出席做頒獎嘉賓。不過一哥口味就同啲評判唔係好同，似乎着重相中警員有幾努力，多過攝影技巧。八方問佢最鍾意邊張相時，佢揀嘅都係優異獎同安慰獎作品，其中一張係示威活動時，警員舉高雙手，擘大口；一哥話呢位夥計雖然冇大聲公，但都好努力咁維持秩序，可見前線嘅工作人員真係非常盡忠職守。
八方見一哥評相好似好專業，就問佢識唔識影相啦。一哥馬上笑住話：「我都幫我個孫女影相，都唔錯㗎，不過係用儍瓜機。」
（圖）一哥話呢張相最能表現到前線警務人員點樣盡忠職守。 曾顯華攝
傳真︰2623-9278
電郵︰