賀歲片《百年好合》和《行運超人》一直爭做票房冠軍，暫時仍以《百》片輕微領先，而據上周四的票房顯示，《行》片五間戲院上映，票房接近三十三萬，而《百》片只得兩間戲院上映，票房近一千元。
港台主持周國豐前日在節目《娛樂滿天星》中質疑《行》片的票房，不過該片的投資者Ba叔早前亦暗寸《百》片送贈券有篤數之嫌。
昨日中國星老闆娘向太陳嵐接受本報電話訪問，對於《行》片的票房，她說：「呢一個笑話，唔係你第一個問我，《行》片上咗三十幾日，我記得有一日佢有二十幾間戲院上映，票房都只得萬幾蚊，點解𠵱家五間戲院有成三十幾萬票房，突然間反彈？如果咁樣算係贏嘅咪由得佢咯，大家都知道係乜嘢事！」
Ba叔昨日接受訪問時說：「啲內地旅行團，包飛當節目嚟睇，賭船又買飛送畀啲賭客，我真係出晒飛、冇篤數，咁好票房好出奇咩？我喺小巴落廣告，啲乘客個個都有買飛睇，而且票尾可以去德興、農圃當現金使，又可以抽李克勤演唱會飛，畀你睇唔睇吖？」