原來，在有小食集中地之稱的旺角街頭，其實隱藏了不少卧虎藏龍，表面不過是普通的小食檔主，背後卻身懷二十多年的入廚經驗，製作之認真可媲美大餐廳，默默為小食市場作出貢獻，冒求打破平嘢無好的定律。
如同所有八八啩啩的街坊一樣，見到泰式串燒檔張貼着的兩張相，都會忍唔住搭訕講句：「嗰個咪係偉仔同志偉囉！」雙手忙着翻弄串燒的Wichai，用半鹹淡廣東話答：「係呀，我靚唔靚仔呀？頭先有個電影版記者同我做訪問㖭。」原來Wichai早排貪得意同朋友去casting，繼而與兩位影帝在電影《無間道》中有過對手戲，無怪乎唔少街坊都特登走來望兩眼。
Wichai半年前在旺角租下小舖一角售賣泰式串燒，並自創炸皮蛋、炸黃金蛋等出位小食，而且無論食物與服務質素都跟泰國菜館沒兩樣。
入廚年資：接近20年
有咩來頭：12、13年前在泰國以一招「同時炒兩個鑊」的高超廚藝，被香港老闆娘賞識並申請來港工作，其間曾於旺角一泰國菜館任大廚，半年前自立門戶，於旺角售賣自創泰式燒烤。
用魚肉、辣椒膏及泰式香草打成的魚膠層鮮味又爽口，味道同唐心皮蛋極合拍。平日可賣出60多個，假日更閒閒哋賣到過百個。
去骨的雞翼內釀滿糯米飯、冬菇、蝦米等配料，待客人order後再炸至外層卜卜脆，香口惹味。
第一次幫襯，雖然唔係成日食街頭小食，但係見到有新嘢都會嘗試。
地址：旺角花園街7號C、D舖（近金聲戲院）
營業時間：無定，通常星期一至五下午2時至
晚上11時，星期六、日上午11時至凌晨1時。
意大利薄餅、焗田螺、白酒煮蜆、煙三文魚天使麵、法式燉蛋，一道道過去只有在大餐廳才吃的美食，今日竟在旺角一街頭小食檔出現。身兼老闆加大廚的Marco，曾任職多間五星級酒店，現在有自己的意大利餐廳，他眼見不少年輕人懂吃但又不捨得花費，便嘗試在旺角街頭售賣平價西餐。
雖說是街頭西餐，用料絕對童叟無欺，最大本錢是背後餐廳撐腰，大大減低來貨價，食物價錢比光顧中級餐廳平上三分二，計落唔使一百蚊足以令二人飽肚，後生仔自然樂得花費。
入廚年資：27年
有咩來頭：年輕時往歐洲流浪兩年，已開始在當地餐廳打工賺旅費，做遍香格里拉、富豪、喜來登、中國廣州花園等多間酒店，移民澳洲期間曾受聘一飲食集團作巡迴大廚，回流本港後於四年前在佐敦山林道開設意大利餐廳MarcoBistro。
踎街邊食生蠔的確夠破格，美國bluepoint生蠔可選生吃或釀焗，不另收費。
最新出品，質感軟滑，濃淡適中，份量和質素與餐廳無分別，但價錢卻比餐廳平上三分一。
每日都會食呢度啲意大利粉，即叫即煮夠新鮮。
地址：旺角登打士街45號A地下
電話：23321897
營業時間：上午10時至凌晨2時