平時聽天主教香港教區主教陳日君批評政府就聽得多，不如大家聽吓佢講道，學吓人生哲理。陳主教噚日入長洲，參加長洲聖心學校同聖心幼稚園嘅金禧校慶活動，喺典禮上向大家講道，話生命就好似一粒種子，喺生長時，難免要同側邊嘅荊棘和野草爭空間。不過，要記住永遠令自己保持住小孩子嘅心態──有一股真誠同純樸嘅心，千祈唔好俾自私同功利主義侵佔，咁先可以有仁愛同會關懷別人。
呢位「出位主教」真係好似細路仔咁純樸，完全冇架子，出入都唔使有人跟出跟入，好似噚日佢由中環搭船入長洲，就自己拎住放咗主教袍嘅紙袋，「單拖」去搭船，一啲都唔似係引領香港幾十萬天主教教徒嘅主教，連八方都差啲走漏眼。
（圖）陳日君主持校慶活動時向大家講道。
傳真︰2623-9278
電郵︰