郭富城近年人氣急跌，更是今年四大天王中唯一沒有電影角逐獎項的一個。他本周六會參加百事在紅館的大騷，問城城可怕被F4搶風頭，他多番強調自己不會為這種小事介意，並自稱胸襟廣闊。
郭富城、關心妍、趙頌茹（阿Yu）、鄭中基和何韻詩等，前晚在紅館為無綫節目《保良局教育服務55週年繽紛Show》錄影。
城城在本周六會聯同百事其他代言人在紅館做騷，問到他會否是該騷的「主打」？他說：「唔好咁講，我算係百事簽約最長。」坊間有傳台灣人氣組合F4演出完該騷便有意拆夥，城城可擔心被F4搶風頭？他聞言即黑臉說：「就算係，我郭富城都唔會介意，難道我郭富城會為咁小事介意？咁樣就太睇小我郭富城，我同百事合作咁耐，百事都知我郭富城胸襟有幾廣闊，呢啲嘢唔使我講嘅。」
據知百事活動是慈善性質，那城城可會收取演出費？他說：「既然係慈善，難道要收演出費咩？咁樣就唔係我郭富城。」
而近日劉德華憑電影《無間道》、黎明憑電影《三更之回家》角逐金像獎和金紫荊獎影帝，而張學友亦憑電影《男人四十》在金紫荊獎爭影帝，惟獨城城沒有份。城城對此說：「我冇話睇好邊個，個個都好，我呢排好忙，冇睇佢哋啲戲，不過遲啲出咗DVD會買嚟睇。我唔會唔舒服、唔開心。」但上述三套片的DVD早已推出市面。城城又強調自己工作繁忙，他說：「我都好忙，拍吓廣告同唱吓歌。」
城城的經理人小美對於城城前晚接受訪問時一臉不悅，她昨日解釋說：「因為當時有記者喺城城耳邊問佢係咪壓低價錢接百事騷做壓軸嘉賓，城城咪唔開心。」
此外，早前有報道指阿Yu購入貝沙灣低層單位，她否認說：「有一日阿爸睇到報道問我，但我都想買（貝沙灣），我重同阿爸講買會預佢一份。」
採訪：楊潔雯
攝影：陳志嵐
