快將舉行嘅日內瓦車展上，德國寶馬車廠將會展出旗下多款新車，如760Li旗艦級豪華房車等；不過，相信最吸引會係Facelifted新版3系開篷跑車。雖然驟眼望去，新版3系開篷跑車與現有型號相近，但當細心留意下，不難察覺到新車擁有全新設計嘅頭泵把，襯以經改良嘅頭燈及鬼面罩配搭，一份高性能跑車風采可謂表露無遺。
尾燈組合更用上LED燈配搭，不但有更高透光度，就連耐用性亦較傳統燈泡來得高呢！車廂配搭亦略作修改，而開關電動軟篷頂亦甚為方便，只需輕按設於表板上嘅控制鍵，便可於極短時間內完成整個過程，絕對稱得上係方便！
另外，新車機械配搭與現有型號相近，但選擇330i或325i開篷跑車嘅用家，則可選配6前速手波或SMG波箱，從而增添不少駕駛樂趣呢！有興趣嘅朋友，就要密切留意新車嘅到港日期喇！