美股近期走勢反覆，之前6個交易日走勢一日升一日跌，動輒百點以上，相當波動。短期形態杜指正以三角形整固，降軌阻力目前在7959，升軌支持在7748，保歷加通道的頂部及底部亦在相若水平，亦是愈收愈窄，估計美股下周會出現向上或向下突破走勢，趙飛雲相信向下突破機會較大，亦是近日一直持有恒指Put輪的原因之一。
港股昨日未有跟隨杜指反彈，恒指高開低收，最後倒跌11點，收9122。恒指全周跌128點，跌幅1.38%，周線圖技術指標偏弱。港股9200以上阻力重重，加上日線圖MACD亦開始出現轉弱迹象，周四MACD線已輕微跌穿訊號線，若趨勢持續，短期跌勢未完。前日分析過，恒指短期跌至下降楔形底部支持8967的機會相當大，破位將下試8700，所以持有恒指Put輪的值博率較高。
趙飛雲昨日尾市於0.148元水平沽出恒指Put輪9556，另於0.218元買回30萬份恒指Put輪9587。換馬的原因之前亦提過，因9556在3月28日到期，時日無多，踏入3月後，溢價會縮得更快，相對冇9587咁抵玩。9587於5月5日到期，行使價9800，溢價2.1%，槓桿率10.4倍，恒指Put輪中，以佢較理想，可攻可守。
下周一滙豐（005）公布業績，美伊何時開戰亦可能較明朗，在如此多變市況下，揸波幅冇咁大嘅9587亦安全啲。
趙飛雲