【本報訊】《南華早報》昨日社論引起外界極大迴響，商台節目《風波裡的茶杯》昨特別開放頻道，讓聽眾透過大氣電波表達意見，順道「消消氣」。有市民直斥董建華處事優柔寡斷，早應退位讓賢；有市民則批評董在過去五年沒有好好利用本身的長處，加強與中央溝通，根本不適宜再擔任任何公職，「應該返屋企抱孫啦！」
不少市民昨在電台節目上均表示非常贊同《南早》社論的觀點，認為社論說出他們的心聲。其中林先生批評董建華「船頭驚鬼，船尾驚賊」，處理公務員減薪及削減綜援金問題上優柔寡斷，應該退位讓賢，「明知唔掂，就應該大刀闊斧。」李太則建議董應該索性提早退休，但不應由他委任繼任人：「個繼任人佢信得過啫，我哋信唔過。」
另一名聽眾麥先生亦認為董不適宜「再做任何嘢」，即使社論建議董「坐歪」擔任書記一職亦不恰當：「佢最強嗰項係同中央溝通，但係連呢樣佢都做唔到，根本就唔適宜再做任何公職，佢應該返去抱孫。」
市民余先生諷刺說：「《南華早報》有眼不識泰山，我哋董先生根本就大才小用，佢一做就十幾個鐘頭，就係呢樣已經冇得頂啦……董先生應該去做三軍司令，如果派佢去伊拉克，對抗美軍，贏梗，佢周身大炮嘛，重係無煙大炮，美國隱形戰機都打佢唔到啦。」