有報道指余文樂加入娛圈後移情別戀，與初戀女友分手，昨日余文樂自稱與初戀女友再見亦是朋友。而與阿樂傳過緋聞的蔡卓妍則開心地說：「我又掹車邊，又有我份，真係好。」兩人心情各異。
余文樂的初戀女友蔡×玲（Elaine）現於城市理工大學修讀工商管理副學士學位，昨日有周刊公開二人當年的情侶照，報道指阿樂十六歲打籃球時與Elaine邂逅，互生情愫，阿樂更十分遷就女友。
一年多後，阿樂因加入娛圈而移情別戀，追求唐思盈，女友更一個比一個紅，阿樂被指為負心人。Elaine接受該周刊訪問時，點頭認同阿樂的誠信有問題，又指他不讀書不是問題，總好過與陳冠希打交云云。
阿樂昨日與蔡卓妍（阿Sa）、周麗淇及導演馬偉豪到商台接受訪問，宣傳新戲《下一站……天后》。阿樂說：「我冇睇本周刊，費事自己嬲，不過有人話我知，我以前女朋友俾人騷擾，我覺得好無奈，我相信啲相唔係佢攞出嚟㗎。」
問阿樂當年是否與Elaine不愉快分手？他說：「唔係，唔愉快佢都唔會俾記者騷擾就打畀我啦。我哋係少聯絡，但我同佢講有乜需要可以打畀我，希望令佢傷害減到最低。」
問阿樂知否對方現時可有男友？他說：「唔知，有都好正常，我怕影響人哋。」
被指曾與阿樂相戀的阿Sa，昨日竟然開心地說：「我都有睇，我都試過啦。篇報道都有寫我，我又掹車邊，又有我份，真係好！」
阿Sa續說：「做藝人係咁，之前發生喺自己身上時就會好𤷪，即時喊，𠵱家慣咗，入得呢個圈都預咗，啲人係好冇品，之前Cookies嘅Miki俾人登埋情信重慘。」
採訪、攝影：胡比
