九人女子組合Cookies成員Theresa、吳啟華女友羅泳嫻、唐寧及蕭正楠等，昨日穿上泳衣，為無綫新劇《戀愛自由式》進行游泳訓練，其中羅泳嫻的驕人身材，大搶平胸一族Theresa的鏡頭，不過Theresa並不自卑，更自言仍可發育。
蕭正楠、九人女子組合Cookies成員Theresa、黃佩珊、唐寧及吳啟華女友羅泳嫻等，昨日在南華會的泳池為無綫新劇《戀愛自由式》（前名《綠水英雌》）進行游水訓練。一眾女藝人都穿上密實的泳裝練水，當中以羅泳嫻和黃佩珊的身形顯得較為突出，而現年十八歲的Theresa，其身材就像未發育的少女一樣。
Theresa一向不諳泳術，她接拍此劇後，便開始學習游泳。Theresa昨日更即席示範游蛙式，可是她甫跳進水池，即喝了多啖水。Theresa說：「我𠵱家好努力學游水，一星期學三次，大大話話都飲咗半池水，我細個都有去泳池玩，但只係玩水，一到腳掂唔到地嘅地方就好驚。」
問Theresa跟其他身材較佳的女藝人比較，會否覺得自卑？Theresa說：「我重有得發育，我都唔介意身材，呢啲嘢冇得羨慕。將來着三點式泳衣影相都唔介意，我怕睇嘅人介意啫，𠵱家都興我呢種（指平胸身材）。」不過當記者指現時流行張栢芝的豐滿身材時，Theresa聞言即說：「咁就大鑊！」
羅泳嫻昨日穿上泳衣盡顯身材，成為全場焦點，雖然她月事來潮，但她表示已做足準備才到場。羅泳嫻說：「男友（吳啟華）都冇話唔畀我着太性感嘅泳衣，佢都知我嘅泳衣乜嘢款。」而唐寧的泳褲亦頗為貼身，特別凸顯出她的身形。至於蕭正楠昨日則赤裸上身上陣，被發現右胸乳頭附近有類似指甲抓痕，他說：「呢個係胎痣。」
此外，《戀愛自由式》早前曾考慮找Twins和方力申演出，但現在他們都榜上無名，該劇監製林志華說：「《無綫節目巡禮》公布嘅都未落實，佢哋咁啱都冇期，所以蕭正楠等演員都唔算執二攤。」
採訪：汪正文
攝影：甄朝健
