司徒華噚日七十二歲牛一，雖然立法會內會開到成五點幾，一啲民主黨人開完會就急急腳走，但李柱銘、楊森、李華明、羅致光同劉千石就好有心，買定生日蛋糕同華叔慶祝。
八方問華叔有乜生日願望，佢老人家話第一係健康、第二係健康、第三都係健康。成日話想再返大陸遊黃山嘅華叔，話佢𠵱家都想，但「人哋（北京）唔畀你返！」剛剛剝完牙嘅馬丁立刻搭口，話以前去北京開草委，成日覺得時間長，𠵱家冇得去又覺得當日時間唔夠；家陣有逐次回鄉證嘅阿石就話，如果華叔都有逐次回鄉證，佢就陪華叔遊黃山！
張志華攝
傳真︰2623-9278
電郵︰