灣仔係港島區入面其中一個新舊交替的地區，這種特色更見於灣仔的心臟地段莊士敦道，在這路段的兩旁有太原街、春園街等十數條小街，裏面有不少充滿特色的新舊商店。特別是太原街，是一條馳名的玩具街，但大家又知不知道太原街怎樣為人所認識，除了玩具外，又有甚麼特色？
記者：張一豪攝影：黃子偉
模特兒：蘭西
原來太原街早在四十多年前已有第一間玩具檔「華記」，現在仍在舊址由一位大概年逾七十的老婆婆經營。
「你叫我『華記』就得啦，呢座樓一入伙我家姐就喺度開檔，但佢十幾年前冇做就畀我做，𠵱家喺屋企！我都幾十歲，玩具就隨便你影，要影我，就連玩具都唔畀你影，呢度地址？咪太原街，幾號？好似40號吧，太原街咁短，要搵都好易。」對於婆婆堅持不肯亮相，小記都感到無奈。
在「華記」之後好多年，約十年前才加入一班後起之秀，好似「金輝」就由街檔開始，七年前正式落舖；嫻姐的「鴻興」約在九年前開舖；「日昇」亦在六年前進駐；而「玩具駅」則於五年前開業。
而太原街之所以「成名」，是約在五、六年前一次懷舊玩具熱，當年好多北上玩具廠都將存倉貨在這裏傾銷，有好多絕版玩具都齊集太原街，特別是到現在仍受很多收藏家追捧的「鐵皮玩具」都找到，頓令太原街成為玩具界焦點。
阿文（右）同阿丸係漫畫迷，「我哋專訪呢度睇吓有冇我哋鍾意嘅日本漫畫人物Onepiece嘅最新扭蛋公仔。」
「約96、97年，開始多人上網搵鐵皮公仔放上網Bid，有炒價，那時太原街有不少鐵皮公仔貨尾，故不少人爭相來這裏找玩具，亦令呢度愈來愈旺。」
店舖一覽
金輝玩具
地址：灣仔太原街14號地下
電話：28913555
日昇玩具
地址：灣仔太原街18號地下
電話：28931600
玩具駅
地址：灣仔太原街8號地下C舖
電話：28384852
鴻興玩具
地址：灣仔太原街19號C舖
電話：28914739
電話：23323985
另類魅力
陳小姐話鸚鵡好懂性又聰明，而且有好多種類都識講話，又不需好大地方，一個月用飼料約$200，就可養20至70年，所以近年養嘅人愈來愈多。最平約80蚊就可以買到一隻鸚鵡。
鸚鵡店
地址：灣仔利東街3號地下
電話：27716142
做製衣設計，舊年加入失業大軍嘅陳先生，憑創意開另類「花店」，另創一番新天地。開業大半年，發覺節日生意都比想像中好，覺得非常幸運。
花夢年華
地址：灣仔皇后大道東194號地舖?利東街交界
電話：25753788
呢間賣鵝店嘅「鵝雜」每日未到關門必賣清光，尤其「鹵水鵝肝」嘅美味，個人認為絕不下於法國鵝肝（例牌堂食每份$45，外賣$40）！
鹵八鵝店
地址：灣仔春園街20號富園大廈地下C舖
電話：28387635
好多人以為齋菜「邊爐」無嘢食，原來好豐富，而且呢間舖頭收得好平，每位只收$40。
多寶齋
地址：灣仔太原街45號地下
電話：23323985