正當三菱Colt響日本本土及香港市場熱賣之際，廠方又於日前（2月26日）推出Facelifted新版Lancer房車及旅行車；新車除車首造型改用上FamilyLook鬼面罩設計外，就連耗油量亦較前來得更低，以迎合現今用家嘅要求呢！另外值得一提嘅係，原有日本版採用Cedia嘅名字，亦會響Facelifted新版開始停用，從而表示Lancer車系踏入另一個新里程呢！
Facelifted新版Lancer或LancerTouring旅行車，車頭部份都會改用上與LancerEvo.Ⅷ相似嘅鬼面罩連泵把、全新頭燈及頭冚等等；而當中嘅MX-Touring房車及旅行車版，頭燈會用上黑底配搭，加上略作修改嘅車尾設計，從而令造型變得更Sporty呢！
機械配搭亦略有改動，其中全線MX房車版本將會用上1.5公升ECI-Multi燃油噴注引擎，當中又以低耗油量及廢氣排放為賣點（手波版為16.8km/L，而INVECS-ⅢCVT自動波版則為16.2km/L）㖭！而頂級LancerT-Touring型號，則依舊採用一台1.8公升GDITurbo偈，以達致有更佳性能表現。