電影《百分百感覺》由余文樂、王嘉明、Cookies的Stephy及Theresa擔演，在戲中飾演Jerry的阿樂因不斷尋找其心目中的一百分女朋友，故先後追求兩位女主角。不過阿樂追求Theresa只是出於報復心態，他最終更令對方傷心欲絕，神經失常。
余文樂、王嘉明與Cookies的Theresa、Stephy和Miki日前於銅鑼灣拍攝改編自漫畫的電影《百分百感覺》。
阿樂於戲中飾演一個外形英俊的廣告設計師Jerry，他因要尋找心目中值一百分的女友，先後跟飾演Jenny的Theresa及飾演Cherie的Stephy發生感情，但阿樂追求Theresa只是出於報復心態，他更令對方傷心過度而精神失控。
日前阿樂與Theresa於一間咖啡店內拍攝一場拍拖的戲份，Theresa不時輕倚於男方的肩膊，儼如一對熱戀男女。
一向緋聞不絕的阿樂表示在未開拍此電影前，已有雜誌報道他與片中的女主角傳出緋聞，他說：「套戲未開就已經寫咗傳緋聞啦，所以我一早已經有心理準備，不過好彩到目前為止都冇事發生。」
問到阿樂會否因為怕傳出緋聞而盡量避免與Theresa傾偈，他表示：「我唔會唔同佢傾偈，咁話晒我哋都要做對手戲，總之我哋同一班工作人員都好傾得埋。」
至於Theresa亦揚言不怕與阿樂傳緋聞，她笑言：「之前我同陳冠希拍戲時都已經俾人傳過，所以今次我都預咗會俾人寫，但係呢啲嘢全部係假嘅。」而據知阿樂與兩位女主角Theresa和Stephy在片中會有接吻場面，但各人只需借位演出。
此外，余文樂昨日透過經理人公司表示，他未入行前的一位舊女友近日遭某周刊記者於其就讀的大學內拍照，又不斷追問她有關阿樂緋聞的事。阿樂表示：「佢連英文名都改埋，我唔知嗰本雜誌點搵到佢，我哋重係朋友但好少聯絡囉，我好嬲，自己入娛樂圈俾人跟就冇法，連累家人同朋友就好過意唔去，我以後都唔會接受嗰本雜誌訪問。」
採訪、攝影：李珮洳
