「做嘢唔會做死人，壓力先會死人！」在生命邊緣走了一轉的陳婉嫻，終於領悟到健康的重要，回望以往晝夜不休地拼搏工作，她坦言現在先要學懂休息，特別是學習讓自己有時間「瞓覺」。對繁忙都市人來說，這可算是寶貴的提示。
在工會及政界中，陳婉嫻的拼搏是眾所周知。一直被視為陳婉嫻愛徒、與她共事多年的黃大仙區議會主席林文輝大讚嫻姐工作極之投入：「佢朝早七點半就起身，一直做到夜晚十一、二點。」除了工會的工作外，尚要兼顧地區工作，近來又參與文化事務，經常出席大小場合，「佢逢請必到，每次到一到，都好辛苦喇！」
無休止的工作，令這位工會女將付出健康代價。嫻姐昨日說：「以前一路係咁做，唔覺得係乜嘢，一有嘢做就精神，當時已經俾我姐姐鬧。」經過今次大病，她終於明白健康可貴，要重新學習休息之道：「我𠵱家要學習瞓覺，有時間重會瞓晏晝覺。」
嫻姐又說，現在她最重要是養好身體，至於選舉問題，她坦言「唔諗呢樣嘢住」，但她又隨即說選舉唔辛苦：「選舉過程只係一樣嘢，比唔上平日由朝做到晚好多樣唔同嘅嘢。」要工作狂放下工作，又談何容易呢！
本報記者