騰龍墟有別於一般的墟市，是一眾失業人士創業自強的烏托邦，可惜，後天便要曲終人散，縱使10月於同一地點會有另一墟市出現，然而攤位數目遠不及有三百多個的騰龍墟多。告別在即，亦特地行了一趟，原來場內亦不乏好玩、過癮、得意的貨品，最重要的是價錢挑戰新低點！我離開時左手是一支只賣$8的火箭炮、右手是經講價後平了$10的水晶鏈，而肚內則有兩串魚蛋及一餅雞蛋仔，也算滿載而歸。
記者：招佩珊
攝影：陳穎
Model：Maggie、Rachael、Samuel（Sunspot）
傅說這裏的檔主會冧價散貨，但查實係賣衫攤檔確實有不少結業大平賣，但精品、家品及玩具等攤檔則較少以結業勁減作招徠，有的檔主說已於本星期初減了價，有的說會視乎最後一日的情況而定。既然沒有大冧價，試試自己的口才，和檔主討價還價，又有沒有再殺價的機會呢？我和ModelMaggie，親身測試一下！
目標：粉紅色心形水晶鏈
開價$60
檔位：E03
Maggie自己都有戴開呢類人氣飾物，話類似質素的水晶鏈一般街價都要百二、三，家陣$60一條已經非常抵。
到騰龍墟，除了又買又食，更別錯過這些特設的傳統行業攤檔，有早就絕迹的人手做遮業，你可以看到老伯伯那幾近失傳的做遮手藝，又有大嬸替女孩們做古法美容線面，雖然近年美容院都有提供這種服務，不過這裏就便宜得多。不過今日是最後一日，要睇就要即刻行一轉。
近期的時興玩意，無論店舖或街邊檔亦見其蹤影，而這個攤檔亦是我們這班嘩鬼逗留了最耐的地方，無他，一人手執一支玩互射，老闆亦玩埋一份，兼教曉發炮竅門，務求百分百擊中對方。老闆話農曆年時特大號要$60，家陣$15就有交易，認真超值，老闆所言非虛，皆因家陣市面一般仍要$30一支。另外，還有賣$10的中型炮及$8的小型炮，或者平無可平，老闆話鐵價不二，大炮已不能再平，小型炮的話，買兩支仍可再平$2。檔位：A44
讀書年代曾經有過通宵一晚完成一幅1,000塊拼圖的紀錄，當看到這攤檔拼圖連框的售價，確實有要買兩、三幅的衝動，一盒300塊連框賣$22、500塊連框賣$28、1,000塊加框亦只不過$33，可惜有心無力，否則已搬了幾盒回家。檔位：E43
$10除了可以食碗雲吞麵，亦可以買到兩對膠拖，而且重有尺碼分，街坊款式，不會太老土，負責人話初期賣$15兩對，將近結業才至減到$10兩對，務求清貨。
檔位：B36
行勻全場都有幾間賣床冚的攤檔，但以這間款式最多、公仔最多兼價錢最平，冷氣被加床冚加枕頭套，單人賣$88，雙人賣$118，全場最平。
檔位：A18
紅白藍膠袋的質料、尺寸及剪裁，但換上熊仔、圓點等圖案。（左起：$25、$20、$25）
檔位：E09
齋睇無意思，要用個鼻去聞，皆因這一個個的粉色系列擺設是由香珠所做成，$25有個細蘋果，ILoveU細字擺設要$39。檔位：A70
行到肚仔餓，亦有約50檔熟食檔可以醫肚，有Pancake、雞蛋仔、車仔麵、雞髀串燒等，當中以$1四粒魚蛋最抵食，夠熱夠彈牙。
想𠱁女孩開心？畀$5就可以寫張願望卡，然後掛響棵願望樹，願望梗係同佢長長久久啦！
地點：黃大仙地鐵站A出口旁
日期：即日至3月2日
營業時間：上午10:00至晚上10:00
免費入場 查詢電話：27120231