下個禮拜全國人大及政協大會就會喺北京舉行，不少達官貴人都會北上，八方日前同身兼全國政協委員嘅安永會計師事務所主席胡定旭食飯，聽佢講吓有乜大計。
可能胡主席平時好忙，佢話有記者向佢投訴，Call佢機好多時都冇覆，於是佢向八方展示佢嗰部Call機，只見部機都幾殘舊，連電池蓋都甩咗，要用膠紙黏住。佢話部機咁殘，有時有人Call都唔震，未必收到，故此希望大家多多包涵。照計部機咁唔穩定，好應該換咗佢，但胡主席話自己好念舊，用開唔捨得丟，而且𠵱家要買番一部咁細嘅Call機唔容易。各位大忙人日後若唔想覆人電話，睇來大可以向胡主席抄吓橋。
傳真︰2623-9278
電郵︰