教統局建議大學薪酬及房屋福利與公務員脫鈎，誓神劈願話同慳資源無關，重「保證」大學唔會因脫鈎而少咗資源。最奇怪係，八間大學都唔知佢條數究竟點計，政府又差啲講到明要削大學撥款；咁即係話，錢就削梗，搞唔掂係你嘅事，政策已經畀咗你。所謂政策，咪係脫鈎囉！
科技大學人事處處長霍林佩文噚日喺個教職員論壇上話，八大都唔知道政府話脫鈎Costneutral（唔會導致成本加?減）係乜意思，大學整筆撥款點計、房屋福利點計都唔知，𠵱家正同政府傾緊；大學家陣唔係兩手準備，而係冇手準備，因為根本乜都唔知。
科大有職員重阿Q咁話：當初有啲大學聽晒政府話，將啲宿舍交番畀政府，或者改做學生宿舍，或者賣晒；好彩科大冇啫，起碼𠵱家有啲揸拿。
傳真︰2623-9278
電郵︰