自從萬事得代理決策層出現人事大變動之後，最近重將總寫字樓，由葵涌嘅美達中心，搬咗落去銅鑼灣嘅CiticorpCentre31樓，事情終告平靜下來；另外，自GaryCheung由皇冠車行調任萬事得，並出掌ManagingDirector以來，可能佢將過往成功嘅銷售策略同團隊精神一併帶埋去，令積存近兩年嘅Tribute終於一掃而空。而響嚟緊3月，亞Mark聽聞佢哋會率先引入有新一代RVFeel嘅Mazda65門Wagon，今勻就真係要睇吓Gary嘅功力，能否掀動起車迷嘅購買意欲之餘，又會否刺激起整個Mazda6車系嘅銷路喇！近期一類SportWagon響本地有唔錯成績，以Mazda6咁帥氣嘅賣相，加上多變嘅車廂設計，若然價錢有號召力的話，不難會有異軍突起嘅成績㗎！