一個頂三個任健美大使
莫文蔚袋百萬踢走余安安

莫文蔚昨日在銅鑼灣出席菲力偉女子健美中心舉行的記者會，獲委任為「2003年亞太區形象大使」。今次莫文蔚的酬勞達百萬元，並獲千萬元宣傳費催谷，取代去年三位代言人余安安、胡敏珊和黃蕊。

菲力偉女子健美中心昨日在銅鑼灣舉行記者招待會，委任莫文蔚（Karen）為「2003年亞太區形象大使」。Karen穿Celine黑色tubedress，佩戴Chanel頸飾，在四個客串model配襯下，隆重出場。
今次出任形象大使的Karen，合約為期一年，酬勞高達百萬元，早前她更穿上本地設計師JohannaHo及DorianHo的春裝，拍攝硬照廣告，大展健康性感。Karen昨日賣口乖說：「我一向都係菲力偉嘅member，好開心佢哋委任我做形象大使。」

避談星爺
Karen表示現在體重維持着一百磅，問她最滿意自己哪個部位？她說：「我最鍾意自己嘅腹肌，好多女仔在意身材豐唔豐滿，我就覺得有腹肌健康啲，我每晚都做二、三十吓sit-upkeep住，每個星期就做四次運動，因為我鍾意食甜品，又無飯不歡。」
日前周星馳與趙薇雙雙從上海返港，有指星爺翻𠝹趙薇，曾與星爺傳緋聞的Karen笑說：「我近期四圍飛拍廣告，成個幾月都冇睇報紙，收風？我唔得閒收呢啲風喎。」

巨額宣傳
菲力偉主席郭少明昨日大讚莫文蔚在亞洲區知名度高，更揚言會以千萬元作宣傳費。莫文蔚一次過取代去年的三位代言人，包括胡敏珊、黃蕊及合作多年的余安安，問郭少明是否因余安安夫婿李萬祺去年宣布破產，所以不再起用余安安？郭少明否認說：「唔係，我哋係和平結束，大家關係重好好㖭，我哋會繼續贊助安安。」