生產力促進局總裁鄧觀瑤下個月九號就會離任，離開工作六年嘅地方，佢老兄噚日出席生產力促進局嘅傳媒新春午宴時，就同八方以及一眾行家妙語如珠。
佢話𠵱家呢刻嘅心情，用高興嚟形容唔係好啱，話感觸又唔正確，總之就感激傳媒一路嘅支持。至於鄧總將會何去何從，佢老兄就非常口密，話𠵱家着緊生產力促進局套波衫，所以暫時唔可以講會轉去踢邊隊。
不過，佢「老頂」生產力促進局主席梁君彥就爆響口：「鄧總嘅新挑戰係一份好好嘅職位。」既然個個都咁神秘，八方惟有靜觀其變啦。
（圖）生產力促進局總裁鄧觀瑤
傳真︰2623-9278
電郵︰