梁詠琪（GiGi）下月中將舉行第二次個唱，其贊助商視康隱形眼鏡，已答應免費贊助她戴一世隱形眼鏡，日前GiGi試戴了多副有色的隱形眼鏡，她表示會因應個唱的燈光及形象，佩戴不同顏色的隱形眼鏡。
梁詠琪下月中將在紅館舉行第二次個唱，由於今次個唱由視康隱形眼鏡贊助，故GiGi可隨意揀選各式的隱形眼鏡。
GiGi日前說：「今次演唱會有隱形眼鏡商贊助，我不知幾開心，因為我本身都有近視，每隻眼大約有五百幾度，平時都要戴隱形眼鏡，𠵱家重話贊助我免費戴一世，早兩日我先去試咗幾副隱形眼鏡。」
在個唱中，GiGi會應不同的燈光和形象需要，佩戴不同顏色的隱形眼鏡，她說：「咁多種顏色嘅隱形眼鏡當中，我最鍾意紫色嗰副，我諗夾埋燈光，效果一定好靚。呢輪除咗忙住幫演唱會谷宣傳外，又要為演唱會綵排，重要為新戲《向左走．向右走》埋尾，真係每日都唔知可以有幾多個鐘頭休息，媽咪見我咁辛苦，當然會擔心啦！」
GiGi拍攝《向》片，再次跟導演杜琪峰合作，她覺得杜琪峰工作態度認真，對演員要求雖高，但他設計的角色能讓演員有發揮機會，任何演員與他合作後，必然有所裨益。GiGi亦對《向》片期望甚殷，希望外間反應佳。
採訪：陳月媚
