無綫新劇《美麗在望》昨日在將軍澳新電視城開鏡拜神，劇中主要演員郭晉安、容祖兒、林敏俐及韓君婷等均有出席。
近日網上流傳一張廁所偷拍相，韓君婷更被指與相中人有九成相似，韓君婷對此說：「我完全冇聽過噃，每次換衫或者去廁所，我都好小心周圍檢查吓，睇吓有冇偷拍裝置。其實求其搵個AV女郎或者俄羅斯鬼妹，都可以話係我啦！我覺得好無奈同埋好似好唔抵。」
此外，容祖兒（Joey）表示很多人說她貌似港姐林敏俐，Joey說：「我覺得似港姐都唔錯，連安仔（郭晉安）都話我同林敏俐嘅笑容好相似，可能我同林敏俐都屬猴，所以特別夾。」林敏俐則表示參選期間曾被認錯是容祖兒，林敏俐說：「嗰次我戴咗太陽眼鏡，有個fans讚我靚，我好開心，跟住佢就話『Joey你真係好靚』。」