中大慶祝四十周年，請咗六位國際級學者到中大講學，香港電台就配合，今日先推出《傑出學人學術講座》網頁（
六位學者分別係國學大師饒宗頤（三月一日）、諾貝爾化學獎得主李遠哲（三月四日）、哈佛大學燕京學社社長杜維明（五月二十二日）、諾貝爾物理學獎得主朱棣文（七月四日）、普林斯頓大學榮休教授余英時（十月二十一日）及新澤西州立羅格斯大學神經科學系教授兼系主任楊詠威（十二月五日），佢哋咁出名，都唔使介紹。
第一個講座由饒教授講「《詩》與古史──從新出土楚簡談玄鳥傳說與早期殷史」，中大校徽係鳥，饒教授真有心思；至於李遠哲會講「全球教育改革趨勢」，題材夠晒普及。
聽聞呢個節目有個超重量級主持人──張敏儀；大姐點解肯重出江湖？母校四十大壽，又係港台大製作，點推都推唔甩啦。
（圖）張敏儀會為港台製作嘅中大名人講座重出江湖。 資料圖片
傳真︰2623-9278
電郵︰