今時今日聽得最多收音機嘅聽眾，原來已經唔再係一眾留喺屋企嘅「師奶」。香港電台舊年年底做嘅調查發現，聽電台節目最多嘅市民係行政人員、專業人士同官員，有成八十萬人，佔咗整個電台行業二百七十六萬名聽眾嘅近三成，成為第一位。
調查顯示，聽電台整體人數增加，估計其中一個原因係多咗人失業。多咗聽眾，咁新節目就唔少得，港台一台喺三月份，首次請嚟資深大律師余若薇，逢周六下晝主持一個暫定叫做《法律熱線》嘅「烽煙」節目，解答市民喺生活上嘅法律問題。
由專欄作家李怡介紹不同好書嘅《一分鐘閱讀》，星期一至五每日分不同時段播出，重有一個叫做《徐想曲》嘅十五分鐘節目，每晚將由名歌星徐小鳳分享佢作為音樂人嘅經歷，同佢鍾意嘅金曲。
傳真︰2623-9278
電郵︰