繼鮑維爾後，又一美國猛人訪華，就係微軟董事長兼首席軟件設計師蓋茨（BillGates），佢剛抵達北京，今次係蓋茨自二○○一年出席完上海舉行嘅亞太峯會商界領袖會議後再度訪華，當然立即引起內地傳媒嘅哄動。據悉，今次係蓋茨喺微軟中國成立十年以來第八次中國行，亦係五年來首次再訪北京，內地傳媒朋友同八方講，蓋茨冇理由無端端訪華，背後可能有大型合作項目。
微軟中國發言人則話蓋茨此行，主要反映其看重中國市場，但佢兩日行程好緊密，包括與合作夥伴簽訂合作備忘錄，出席一個大型研討會，與六千位內地大學生同二千位軟件工程師探討軟件發展趨勢，以及向內地主要電腦商闡述數碼時代嘅智慧生活概念。
八方記得九九年蓋茨訪華前順道訪港，與小小超會面，但電盈今時唔同往日，兩人會否再碰頭就天曉得了。
傳真︰2623-9278
電郵︰