周星馳目前仍與寰宇老闆林小明對簿公堂，前日星爺被記者問及對林小明開拍電視劇集《功夫足球》有何意見時，星爺說：「開乜啫？佢都冇版權，個版權喺我度呀嘛。」不過林小明昨日卻表示星爺此話離譜，還說對方患版權妄想症。
身在上海的林小明昨日透過長途電話回應說：「離晒譜嘅，佢有乜理由連呢啲說話都講得出？係咪連碧咸踢足球、世界盃喺邊度比賽，總之逢係有關足球嘅嘢都要問佢攞版權呀？做人係咪要咁霸道呢？唔係自己嘅嘢又要攞。」
林小明並強調《功》劇與《少》片全無關係，他說：「套劇同套片嘅古仔唔同，製作班底又唔同，周星馳講啲咁嘅嘢，佢係咪有版權妄想症呀？」
採訪：朱芷瑩