余文樂、黃琛如、張鎧潼及陳淑蘭等前晚到銅鑼灣出席新戲《夜魔俠》首映，余文樂與Cookies合拍新劇《百分百感覺》，但他竟不知Cookies成員Serena跌傷鼻骨而要易角，阿樂說：「吓？咁大鑊？我啱啱喺上海返嚟，所以唔知呀，拍唔到部戲唔緊要，身體健康重要啲。」
而張鎧潼和黃琛如同於本月二十日生日，張鎧潼表示當日收到經理人送的手提電話，亦有神秘人送花給她，張鎧潼說：「我新一年要用番真名張佩金，呢個名係我父母改嘅，張鎧潼係公司改，我鍾意真名多啲，公司話好娘先改。」
另外，陳淑蘭前晚與前男友William結伴看戲，她說：「我哋唔係好番，我同佢同祁文傑都係好朋友，前幾日重一齊食飯㖭，情人節我冇人約，但佢兩個都有送禮物畀我。」
採訪、攝影：魯萍