施念慈日前到銅鑼灣shopping，她在Bossini太子女羅可旋開設的時裝店Ztampz，短短二十分鐘花萬多元買了七套新裝。她解釋是為了即將出版的美容書拍照置裝，平日每季買衫只花五位數字，強調自己並非揮霍。
施念慈日前在銅鑼灣Ztampz時裝店shopping，該舖是Bossini太子女羅可旋（Victoria）開設的，只見施念慈在店內左試右試，短短二十分鐘，便花了萬多元，買了七套衫，十分闊綽。
婚後過着少奶奶生活的施念慈，閒時出書做才女。日前見她買衫時挑選的上衣或連身裙，款式都十分性感，不乏低胸之選，難道她不怕夫婿陳鴻業詐型？
昨日施念慈接受電話訪問時說：「嗰間舖嘅老闆Victoria係我好朋友，我成日都有去幫襯，佢又畀VIP折頭我嘅。Victoria舖頭嘅衫比較冷門，佢自己有時會去比利時、阿根廷等地入貨，而且款式都係一件起兩件止，所以好少會同人撞衫。」
施念慈一次過花萬多元買衫，十分豪爽，她說：「其實我鍾意一次過買大堆衫，一季都係買萬幾蚊，唔算好多，反而平日鍾意買鞋同手袋多啲。而我今次係因為嚟緊會出兩本美容書，為咗影相先至買呢批衫。」
問施念慈其夫婿可介意她衣着性感？她說：「唔怕，佢信得過我、亦信得過Victoria嘅眼光。我自己都唔會買太性感嘅衫，少少性感就接受到，今次為咗影相，咁梗係要靚啲啦！」
