現代女性要同時兼顧工作同家庭，難免要承受壓力，好似香港各界婦女聯合協會主席林貝聿嘉咁嘅職業女性，亦都唔例外。
八方噚日喺一個介紹減壓活動嘅記者會上見到林太，佢好老實咁同八方講，其實自己要承受相當工作壓力，因為有時啲嘢實在又多又煩又難。至於家庭壓力方面？佢就話冇喎，實情佢丈夫生前都好支持佢嘅工作，加上有個學有所成、做緊醫生嘅囡囡，你話邊有壓力呢？
林太話有壓力唔緊要，最緊要識化解，點化解？佢話只要樂觀啲，當壓力轉化成不斷向上嘅原動力就得，再唔係就聽吓音樂、同朋友傾吓偈、做吓運動都得，佢自己就日日行晨運二、三十分鐘，保持身心健康咁話。
（圖）林太（右）認為只要保持樂觀態度，就可化解任何工作同家庭壓力。
傳真︰2623-9278
電郵︰